http://etisalat-egypt.blogspot.com

(1)
معرفة رصيدك مجانا بدلا من 20 قرش فى الشركتين الاخرتين وذلك بالكود
*555#
من الشمال لليمين اضغط نجمة ثم 5 5 5 ثم شباك ثم اضغط اتصال
(2)
معرفة الارقام التى اتصلت بك وتليفونك مغلق او خارج نطاق الخدمة وذلك مجانا عن طريق رسالة تصلك مجانا بدلا من اشتراك شهرى 5 جنيه فى موبينيل و 50 قرش للرسالة فى فودافون
(3)
قيمة كارت الشحن بدون ضريبة المبيعات اى ان سعر الدقيقة يقف عليك ب 34 قرش مقارنة ب موبينيل وفودافون وذلك اذا كنت مثلا تشترى كارت ال 10 جنيه بالسعر الرسمى وهو 11.5 جنيه اما اذا كنت تشتريه اغلى من الموزعين ب 12.5 جنيه فسعر الدقيقة يكافىء فى هذه الحالة فى خط اتصالات 29.5 قرش
(4)
لك 5 دقائق شهريا مجانا مدى الحياة وتبدأ من يوم 1 فى الشهر وتصبح الدقائق المجانية سارية بمجرد اجراء مكالمة مدفوعة واحدة فقط لمدة دقيقة واحدة فقط فى الشهر وذلك العرض مفيد لمن يتكلم قليلا اى لن يحتاج لشحن كارت الا كل فترة طويلة جدا 
(5)
تستطيع الدخول على موقع اتصالات على الانترنت مجانا تماما ومعرفة الاخبار ومواقيت الصلاة وخلافه عدد لانهائى من المرات بدلا من 1 جنيه فى اليوم فى فودافون كما ان سعر تحميل الاغانى من على الموقع موحد ب 4 جنيه بدلا من اسعار متغيره على موقع فودافون
(6)
لك 3 ميجا بايت انترنت فى الشهر لاى موقع مجانا تماما ولم يعلن عن نهاية العرض حتى الان بعكس فودافون التى اعطت 5 ميجا بايت كل يوم ولكن يتم خصم 1 جنيه كل يوم تدخل فيه على الانترنت للاستفاده من العرض وطبعا موبينيل خارج المنافسه ايضا .
(7)
تستطيع الدخول على موقع اتصالات او على اى موقع انترنت حتى لو رصيدك كام قرش بعكس فودافون التى لاتسمح بالدخول على الانترنت الا اذا كان رصيدك اكثر من 6 جنيه اما موبينيل انسى يا معلم - بتحسبك بالكليوبايت يعنى اى صفحة بتفتحها بتخصم منك على الاقل من 10 الى 15 قرش والساعة بخمسة جنية والحسابة بتحسب
(8)
mmsسعر الرسائل الملتي ميديا
ب 75 قرش بدلا من 95 قرش فى الشركتين
(9)
خدمة رنتك اغنيتك صوت الاغنيه فيها اقوى واوضح وهى بسعر 4 جنيه للاغنيه فى الشهر
(10 )
سعر مكالمة خدمة العملاء 39 قرش مهما طالت مدتها بعكس فودافون فيها سعر المكالمة ب 50 قرش وموبينيل 150 قرش
ويمكنك الاتصال بخدمة العملاء على الخط الارضى بتكلفة مكالمة محلية  على الرقم 5346333 من القاهرة الكبرى
ودا هينفعك لو بتظبط الموبايل معاهم على التلفون
(11)
خدمة ارسال رسالة فيها كلمة كلمنى شكرا مجانا لاى موبايل فى الثلاث شبكات فى مصر لكل الاكواد 011 و 012 و 018و 010و 016 مش زى فودافون ال لغاية دلوقتى مش عارفين ان فى شبكة ثالثة كودها 011 وتديك رسالة خطا فى الرقم لو حاولت تبعت الرسالة لشبكة اتصالات - ده طبعا غير موبنيل ال بتبعت لموبينيل فقط ويمكن الارسال على اتصالات عن طريق الكود
*111*رقم الشخص المرسل اليه#
من الشمال لليمين اضغط نجمة ثم 1 1 1 ثم نجمة ثم رقم التليفون ثم شباك واضغط اتصل
(12)
يمكنك ايضا معرفة عدد الدقائق المجانية المتبقة لك كل شهر
على طريق الكود
*558#
من الشمال لليمين اضغط نجمة ثم 5 ثم 5 ثم 8 ثم شباك ثم اضغط اتصال
(13)
خدمة المحادثة الجماعية حتى 6 اشخاص مجانا
وتسمح هذه الخاصية باشتراك 6 أفراد في نفس المكالمة. فعندما تكون على اتصال بشخص يمكنك استبقاءه على الخط والشروع في الاتصال بشخص ثان وإذا رد عليك الشخص الثاني يمكنك استئناف المكالمة مع الاثنين في نفس اللحظة كما يمكنكم أنتم الثلاثة التحدث إلى بعضكم البعض
فى موبينيل وفودافون هذه الخدمة متاحة باشتراك وفقط لعملاء الاشتراك الشهرى مش للكروت
(14)
خدمة تحويل المكالمات لاى رقم حتى لو رقم غلط لزوم الهروب من بعض الاشخاص الغير مرغوب فيهم باعطائهم رسالة الرقم المطلوب غير موجود بالخدمة علشان ييئسوا ومايتصلوش تانى - هذه الخدمة غير متاحة لخطوط الكروت فى موبينيل
لتحويل المكالامات لرقم غلط والهروب من الاشخاص المزعجة استخدم الكود
**21*0101457373#
من الشمال لليمين اضغط نجمة ثم نجمة ثم 2 ثم 1 ثم نجمة ثم رقم0101457373 ثم شباك ثم اضغط اتصال
للالغاء هذه الاشتغالة
##002#
من الشمال لليمين اضغط شباك ثم شباك ثم 0 ثم 0 ثم 2 ثم شباك واضغط اتصال
(15)
خدمة البريد الصوتى مجانا مثل فودافون بينما 50 قرش للدقيقة فى موبينيل
(16)
اول 3 دقائق من كل مكالمة فيديو مجانا يعنى اتكلم 3 دقائق واقفل واتكلم تانى حتى لو 100 مرة فى اليوم بعكس فودافون التى تعطى 20 دقيقة فقط حتى اخر يونيو 2007 فقط ولاتعرف اذا كنت خلصت الدقائق بتاعتك ام لا - انت ونصيبك بقى متعرفش امتى هيخصموا ولكن فى اتصالات لم يعلن عن نهاية هذا العرض حتى الان وطبعا موبينيل خارج المنافسة فى هذا المجال
(17)
خاصية الانتظار ودى موجوده فى كل الشركات
للتشغيل
*43#
الجديد فى اتصالات بقى انها شبكة ذكية يعنى مش كفاية انك يكون عندك انتظار دى كمان بتقولك ان الشخص الاخر معاه مكالة وانت دخلته عليها
يعنى لمل تكون صاحبتك بترغى فى الموبايل بتاعها سواء كان موبينيل او فودافون "الله اعلم بقى هى بتكلم مين بقى يا معلم" وانت بتتصل بيها من خط اتصالات هتخشلها على الويتنج وساعتها شبكة اتصالات هتقلك ان صاحبتك بتتكلم فى الموبايل دلوقتى وانت دخلتاها على وايتنج - وانت وشطارتك بقى يا معلم ، ابقى اعرف صاحبتك كانت بتكلم مين - معلش احنا جايين نهدى النفوس
(18)
تتيح لك اتصالات أن تتصل بالشرطة والمطافئ والإسعاف مجانا في أي وقت حتى لو لم يكن رصيدك يسمح بذلك
يعنى لقدر الله فى حالة الحوادث على الطرق اتصل بخدمة الاغاثة السريعة
0121110000
المطافى 180
الاسعاف 123
(19)
والجديد انه من اليوم الخميس 7 يونيو 2007 شكبة إتصالات تعمل وتغطى جميع انحاء الجمهورية وكل الطرق الصحرواية والزراعية وليس المدن الكبرى فقط بفضل اتفاقية التجوال المحلى بين الشبكات
(20)
الشبكة الوحيدة ال تخليك تختار رقمك بنفسك على الانترنت يعنى تختار رقمك هو تاريح ميلادك او تألف رقم متميز يعجيك
يلا الحق احجز رقمك
(21)
لو الحالة مقشفرة معاك ورصيدك خلص ومعكش غير جوز جنيهات خش على محل مكتوب عليه اشحن اتصالات هنا - ممكن تشحن رصيدك حتى لو بحنية- يعنى هتدفع جنيه رصيدك هيزيد جنية مش زى الشبكات التانية اقل حاجة فيها 5 جنية
(22)
تحويل الرصيد - ممكن مفيش حد ادنى لتحويل الرصيد مش لازم تحول 5 جنية زى الشبكات التانية يعنى لو صاحبتك معهاش رصيد-وعمالة تزن وتبعت فى رسائل كلمنى شكرا وانت الحالة برضة مقشفرة معاك ممكن تحولها جنيه واحد