انا راح احكيلكم عن اخر 3 سنين هدول من سنة 2006 لبداية سنة 2008... طبعا سنة 2006 كانت من أزفت أزفت سنين حياتي يعني لو بوصفها بأوسخ الكلمات اللي بالعالم  بضلو ئليل عليها طبعا لانو صار معي شغلة بسنة 2006 غيرت مجرى حياتي كليااااا واتمرمطت مرمطة اخت شلن واتعتست.. تعتسة بنت كلب بعيد عن القارئين طبعا...وانقلبت عيشتي من الجنة لجحيم الله وكيلكم ويا ريت ما  عشتها هاي السنة والله لو خيروني بين عيشت سنة 2006 والموت لاختار الموت بدون تردد.. يعني من الاخر السنة كان زفت وضلت معي مكملة زفت... المهم اجت سنة2007 وكان من اولها بتجننننننن يعني شو صحتلي سفرة ع اميركا من حظي وكان عيد ميلادي بشهر واحد وعيدت عيد ميلادي هناك وشفت صحابي وصحباتي وقرايبيني اللي هناك وطبعا انبسطت اكتر واكتر اني جمب اختي حبيبتي اللي باميركا بمووووووت عليها موت وبعبدها عبادة بس للاسف هي مش جمبي هلاء يعني انا بدنيا وهي بدنيا تانية يلا شو بدنا نعمل دايما اللي منحبو ما بكون النا ولا بكون جمبنا...وضليت مكيف على سنة 2007 بس لتاريخ 29/1 هههه يعني بس انبسطت شوي وبلشت الدنيا تتحداني وتلعب معي ورجعت قصة المرمطة يا جماعة وكانت السنة كمان زفت وانطردت بهاي السنة ههههه بتاريخ 14/2 بعيد الحب .. ال كل الناس بتعيد عيد الحب واللي بطلع مع حبيبتو واللي بروح بفرفش فرفشة وبتضرب معو راس ع شوية كيف ع أكم من حظ حلو  ... إلا أنا االله وكيلكم ضليتني قاعدة بالدار وعيدت على بهادل ومسبات ومسح كرامة وضرب أسافين ههههه يعني من الاخر السنة كانت بالمرة لانو الشغله اللي صارت بسنة 2006 ضل موجود أثرها بحياتي لهلاء بس طبعا
أهون بكتير من 2006 .... وبلشت معي السنة هاي والحمد لله مبينة عليها من اولها ماشي حالها يعني وبتنهضم شوي  وعيد ميلادي اجا بشهر واحد ورحت احتفلت في برى الدار انا وأعز 3 صحبات لإلي وهما اللي طلعت فيهم من هالدنيا والله (نداء وفداء وعيوش بنت خالي ) يعني كل نكشات راسنا سوا ومنفهم بعضنا وكلشي تمام بس اكتر نهفات عملتها بحياتي كانت مع هدول التوم الله يخرب بيتهم هههههه دمروني والله ههههههه حبايبي من دونهم ولا شي أنا والله أحلى نداء وفداء على راسي كزدرة إن كان بالكعب ولا بالكندرة... يلا عيشو...بس اللهم علاماتي في المدرسة الفصل التاني اتراجعت فيهم لاني انا اهملت كتيييير أل اركنت انو بأول السنة شديت حالي وكلشي تمام  بس من هبلي بلشت اخربط  شوي مع الدنيا وصار المعدل اللي بالسبعين ينزل للخمسين واللي بالستين للأربعين بس يلا شو بدنا نعمل شعب بدو يعيش ههههه ويا ريتها شدت حيل من النوع المنيح ههه لا والله من دون الغش عمري ما بجيب علامة ... يعني محسوبتكم معلمة بالغش والله مشيبة كل المعلمات مش عارفين بأنو طريقة يمنعوني والمصيبة عارفين اني بجيب علاماتي من شطارت غيري بس يلا بداروني وبطبطبو عليي..وأنا من النوع اللي بحب اكسب صحبة جديدة ومعارف جداد يعني اجتماعية وطبعا مش مخلية حدا من شري الكل بعرفني وبصبح وبمسي عليي وبسأل عني وبحبني لاني بضلني أل اضحك وامزح وانكش راس يعني عايشة حياتي عالطبيعة والبساطة والمسخرة واللامبالاة حتى وقت الجد أل بجد حالي اول 5 ثواني بعدين بفرط ع حالي من الضحك .. بس والله كل اللي بعرفوني وبردو عليي الصباح وبسألو عني ما بعرف أساميهم ولا بعرفهم هههههه يعني بس بالشكل يعني بالمشرمحي ومن الاخر زبايني كتاااااااااااااااااااار ومعارفي أكتر وأكتر ... بعرف أكيد زهقتو بس يلا هيني حكيتلكم عن حالي شوي واللي نشف ريقو بعينو الله ههه سلااااامات