اشوفك حلم

مرات اشوفك حلم
مرات اشوفك طيف
يالـ بيك برد الشتة
يالـ بيك حر الصيف

انت اللي ما تدري
بحالي ولا بأمري
تروح و تغيب و تجي
و تمرلي مثل الضيف

سهران ليلي بحزن
و اتنطر الأفراح
ما نمت ليلي بهنا
مضموم عاللي راح

اتأملك بس تأمر
و انطيك كل العمر
وانطيك ما بالكلب
ترتاح وانا ارتاح
ــــــــــــــــــــــــــ

حرت و الـ حيرتني انت
ضعت و الـ ضيعتني انت
تعذبني و اكول للناس
اكول للناس مو انت

حرت و الـ حيرتني انت
ضعت و الـ ضيعتني انت
فرح انت حزن انت
تعذبني واكول للناس
اكول للناس مو انت

يسألوني و شكول اني
اكلهم حبي بجاني
ولو مجروح اصبر الروح
كلبي اللي جرحتة وياك
ينسة جروحة علمتة

اذا تجرحني شي عادي
و اموت لخاطرك عادي
اصيح بصوت احبك موت
ميهمني حبيبي الكون اذا لعيونك خسرتة

نار البعد تحركني
و روحك ما تفاركني
هواك الكيه و اشمك بيه
حبيبي اتمنى لو الكاك
لكن انت وين انتة
ــــــــــــــــــــــــــــ
راجعة

راجعة شتردين مني
كولي المن راجعة
راجعة تكولين احبك
واني بعدك ضايعة

بعد ما بجيتي عيني
وانكسر كلبي رحميني
كولي المن راجعة

راجعة بيا عين اجيتي
بعد ما يفيد اعتذار
صدكي لو انتي نسيتي
اني ما انسى اللي صار

جنت متأكد تجيني
كل ما احجي اسمعيني
ما احن لبايعة

صدكي مو بس جرح بية
والله احس كلي جروح
روحي ضاعت من ايدية
عشت روحي بلاية روح

انتي ضيعتي الحلم
وهسة جيتيني بندم
كولي المن راجعة
ــــــــــــــــــــــــــــ
خليني

خليني عايش مبتعد
و من العذاب اعفيني
من ذكرى ايامج بعد
يا ريت لو تمحيني

ما بية روح و تحترك
ما بيهة تسهر عيني
يكفيني من عندج جرح
لليوم وهو ياذيني

مو كلت احبك للابد
مو كلتي ما تنسيني
مو كلت احافظ على العهد
و عليك اغمض عيني

اي وينة وعدج و الوفا
بهذا الجزا تجازيني
شنهو الجنيتة بعشرتج
و ليا ذنب حاجيني

صدكت بيج و امنت
من كلتي تحبيني
و شكد حلفتيلي ابد
ما هوت غيرك عيني

كلت اشتريلج بكل ثمن
لو روحي هم و سنيني
يا حيف ضيعني الزمن
وانتي اللي ضيعتيني
ـــــــــــــــــــــــــــــــ
كافي تغارين

موتيني كافي تغارين
مو بس انتي يعني تحبين
كافي من اللوم
غيرة بكل يوم
لو كل الناس تحب مثلج
ما ضلوا بالدنيا ثنين

موتيني بشك و غيرة
من حيرة تدخليني بحيرة
كل مرة تكوليلي اخيرة
ليش ترجعين تشكين

انا اعرف انتي تحبيني
بس بهالحب كرهتيني
عن كل الناس تسأليني
هاي منين و ذيج منين
ـــــــــــــــــــــــــــــــــ
احسدك

احسدك عل برود البيك احسدك
ثلج الدنيا كلة يجي بعدك
ما يحترك دمك
اي شي ما يهمك
و الأيام الأيام كلها سوة عندك

احسدك ما عرفت الأه فد يوم
مرتاح و صديق عيونك النوم
حتى من اجي بعيني دمعتي
تسمعها بكَلب بارد شكوتي

عايش على اعصابي وياك محتار
اكلك شوف كلبي مشتعل نار
تسمعني ولا تهتم الية
و بكلبك اضن تضحك علية